Karera boshlash uchun eng yaxshi davlatlar reytingi e’lon qilindi. O‘zbekiston nechanchi o‘rinda?

Karerani boshlash uchun dunyodagi eng yaxshi davlatlarning 2024 yilgi reytingida O‘zbekiston 99-o‘rinni egalladi. Bu haqda “CEO World” jurnali xabar berdi.

Tadqiqotchilar 127 ta davlatni ikkita asosiy toifa bo‘yicha: yashash imkoniyati va kasbiy imkoniyatlar bo‘yicha jamlagan, tahlil qilgan va solishtirgan. Reyting 35 yoshgacha bo‘lgan 196 mingga yaqin bitiruvchilarni o‘rganish asosida tuzilgan va mamlakatlar mehnat bozori, iqtisodiy barqarorlik, tadbirkorlik muhiti, daromadlar tengligi, innovatsiyalar, progressivlik va yashash istagi kabi 19 ta mezon asosida baholangan. Har bir ko‘rsatkichga 100 ballik tizimda baho berilgan.

Talabning kamayishi daromadning shakllanishiga sezilarli ta’sir ko‘rsatishi mumkin, bu esa o‘z navbatida mehnat bozorining o‘zgarishiga olib keladi. Biroq, mehnat bozori kelajagini aniq bashorat qilish mumkin emas. Shunga qaramay, tendensiya ish madaniyati masofaviy ishlash modeliga o‘tishini ko‘rsatadi. Garchi ixtiyoriy daromad taqchilligi qisqa muddatda mehnat bozorining kengayishiga ta’sir qilsa-da, qisqa muddatda umumiy mamlakatga xos tushuncha o‘zgarishi dargumon.

Qaysi davlatlar karera boshlash uchun eng yaxshisi? 

Jurnal ma’lumotlariga ko‘ra, Buyuk Britaniya karerani yo‘lga qo‘yish bo‘yicha dunyodagi birinchi raqamli davlat deb topildi. Ro‘yxatda kuchli o‘ntalikni Germaniya, Kanada, AQSH, Yaponiya, Fransiya, Niderlandiya va Janubiy Koreya singari davlatlar egallab turibdi. Shvetsiya va Birlashgan Arab Amirliklari eng yaxshi 10 ta davlat orasida mos ravishda to‘qqizinchi va o‘ninchi o‘rinlarni band qilgan.

Eng oxirgi raqamda Yaman davlati qayd etilgan. Ro‘yxatda O‘zbekiston 99-, Qozog‘iston 71-, Turkmaniston 74-, Qirg‘iziston 119-, Afg‘oniston 122-o‘rindan joy olgan. Reytingga Tojikiston kiritilmagan.

Yaqinda o‘tkazilgan tadqiqotlarga ko‘ra, 2024 yil oxiriga borib, jahon mehnat bozorida taxminan 56 million ma’lumotli ishchilar yetishmaydi. Tadqiqot oliy ta’limni tugatgan va ilmiy darajaga ega bo‘lgan hamda 35 yoshgacha bo‘lgan shaxslarni nazarda tutgan holda, bitiruvchilar uchun dunyodagi eng kerakli mamlakatni aniqlashga qaratilgan.

Eslatib o‘tamiz, avvalroq “Xavfsizlik tushunchalari 2023” (SPI)  indeksida O‘zbekiston jahondagi eng xavfsiz mamlakat deb e’tirof etilgani xabar qilingandi.