Qrimning Rossiya tarkibiga integratsiyalashuvi yakunlangani aytildi 

Rossiya parlamenti spikeri Valentina Matviyenko Qrim va Sevastopolning Rossiya tarkibiga qo‘shilishi yakunlanganini, Qrim o‘zini Rossiya Federatsiyasidan tashqarida tasavvur qila olmasligini aytdi. Bunday fikrni bildirdi. Bu haqda TASS xabar berdi.

“Menimcha, umuman olganda, Qrim va Sevastopolning Rossiya tarkibiga qo‘shilishi yakunlandi, deyishga barcha asoslar bor. Qrim o‘zini Rossiyadan tashqarida tasavvur qilmaydi. So‘nggi bir yil ichida esa bu borada yanada kuchliroq bo‘ldi”, deydi Federatsiya Kengashi spikeri. 

Uning so‘zlariga ko‘ra, G‘arb Qrim va Sevastopolning Rossiyaga qo‘shilishi masalasi bo‘yicha referendumning qonuniyligiga shubha uyg‘otish uchun ko‘p urinishlar qilgan, urinishlar hali ham davom etmoqda. Ammo u referendum xalqaro huquq me’yorlariga to‘la mos ravishda o‘tkazilgani va qrimliklarning mutlaq ko‘pchiligining haqiqiy irodasini ifodalaganini da’vo qilgan.  

Matviyenko yarim orol aholisi etnik, diniy yoki boshqa har qanday kamsitishlarga duch kelmasligi muhimligini ta’kidlagan va u yerdagi vaziyat Ukrainada sodir bo‘layotgan voqealardan keskin farq qilishini aytgan.

“Mana 2022 yil to‘qqiz yil avval sodir bo‘lgan voqealarning ahamiyati va foydasini ayniqsa yaqqol, aniq va ishonchli tarzda ko‘rsatib berdi. Shu oylar davomida biz barchamiz Kiyevdan insoniyatga tahdid qanchalik dahshatli miqyosda kelayotganini ko‘rdik. O‘ylaymanki, bugungi kunda Sevastopol va Qrim aholisi ularga hozirgidan kam bo‘lmagan, balki undan ham dahshatli sinovlar bilan tahdid qilishganini tushunadi. Agar referendum bo‘lmaganida, ularni genotsid kutib turgan bo‘lardi”, degan Valentina Matviyenko. 

Federatsiya Kengashi spikeri aynan Qrim va Sevastopolning Rossiya bilan birlashishi Donbass va boshqa mintaqalarning rus tilida gapirish va fikr yuritish huquqi uchun kurashiga qo‘shimcha turtki bergan, shuningdek, (tan olinmagan) Donbass va Lugansk Xalq Respublikalari, Zaporoje va Xersonning qaytishi uchun muqaddima bo‘lgan, deb hisoblashini bildirgan.

Referendumning 9 yilligi

To‘qqiz yil avval Ukrainadagi davlat to‘ntarishi fonida 2014 yil 16 martda o‘tkazilgan referendumdan so‘ng Qrim va Sevastopol shahri Rossiya Federatsiyasi tarkibiga kiritilgan edi. 2014 yil 18 martda Rossiya Prezidenti hamda Qrim va Sevastopol rahbarlari hududlarni Rossiya Federatsiyasi tarkibiga qabul qilish to‘g‘risidagi bitimni imzolagan, 21 martda esa hujjat Federal Majlis tomonidan ratifikatsiya qilingandi.