Qozog‘istondagi kondan kuchli yong‘in chiqdi
Olam
−
02 may 2023 2125
Qozog‘istonning g‘arbiy qismida joylashgan Oqto‘be viloyatidagi Janajol gaz kondensati konida yong‘in sodir bo‘ldi. Bu haqda “Tengrinews.kz” nashri xabar berdi.
Janajol konidagi gazni qayta ishlash zavodi hududida yong‘in haqida xabar kecha, 1 may kuni tushdan keyin favqulodda vaziyatlar boshqarmasiga kelib tushgan. Matbuot xizmatining xabar berishicha, yengil uglevodorodlarni ishlab chiqarish zavodi yonib ketgan. Yong‘inni o‘chirishda 52 qutqaruvchi va to‘qqizta texnika ishtirok etgan.
“Kuygan to‘rt ishchi zudlik bilan temir tumani Markaziy shifoxonasiga yotqizilgan. Jabrlanganlarning ahvoli og‘ir”, deyiladi xabarda.
Viloyat hokimi matbuot xizmatining xabar berishicha, yong‘in 15 soatdan keyin 2 may kuni soat 6:20 da (mahalliy vaqt bilan) o‘chirilgan.
Live
Barchasi