Qozog‘istondagi dahshatli YTH oqibatida Mercedes-Benz butkul yonib ketdi (video)

Qozog‘istonning Chimkent viloyatida sodir bo‘lgan yo‘l-transport hodisasi oqibatida yetti kishi jabrlandi, Mercedes-Benz avtomashinasi butunlay yonib ketdi. Bu haqda “KazTAG” nashri xabar berdi.

Qayd etilishicha, voqea kecha, 13 iyun kuni soat 19:15 atrofida Chimkent viloyatidagi Abay hududiy unitar korxonasining xizmat ko‘rsatish hududida sodir bo‘lgan. Mercedes-Benz rusumli avtomashina haydovchisi ko‘chaning ikkinchi bo‘lagi bo‘ylab harakatlanib ketayotganda Olmaota shossesiga chiqib ketib, Toyota Camry va Opel Vectra avtomobillari bilan to‘qnashib ketgan. Oqibatda Mercedes-Benz butunlay yonib ketgan, qolgan ikkita avtomobilga moddiy zarar yetgan. Avtohalokatda uch nafar haydovchi va to‘rt nafar yo‘lovchi tan jarohati olib, shifoxonaga yetkazilgan. Qurbonlar yo‘qligi aytilmoqda.

Holat yuzasidan Qozog‘iston Respublikasi Ma’muriy javobgarlik to‘g‘risidagi kodeksning 610-moddasi 2-qismi bilan ma’muriy bayonnoma tuzilgan.