Qozog‘istonda milliy itlarni ko‘paytirish bo‘yicha qonun qabul qilindi

Qozog‘iston parlamenti Senati (yuqori palatasi) deputatlari bugun, 29 dekabr kuni amaldagi qonunchilikka milliy it zotlarini saqlash va ko‘paytirishga qaratilgan o‘zgartirishlar to‘g‘risidagi qonunni qabul qildi. 

Hujjat Respublika Prezidenti topshirig‘iga binoan qozoq it zotlarining Tazi va Tobet zotlarini saqlash va ko‘paytirish maqsadida ishlab chiqilgan. 

Avvalroq, parlament Majilisining Iqtisodiy islohotlar va mintaqaviy rivojlanish qo‘mitasi a’zosi Amerxan Rahimjonov qozoq it zotlarini saqlash mahalliy hayvon zotlarini muhofaza qilish va rivojlantirishni davlat tomonidan tartibga solish samaradorligini oshirish uchun keng huquqiy va tashkiliy yondashuvlarni talab qilishini aytgan edi. 

Uning so‘zlariga ko‘ra, bugungi kunda nafaqat qozoq it zotlari genofondining yomonlashuvi, balki respublikaning ko‘plab hududlarida ularning butunlay yo‘q bo‘lib ketish xavfi ham mavjud.

Shu munosabat bilan u mazkur muammolarni hal etish maqsadida qonun loyihasida qozoq it zotlarini saqlash va ko‘paytirish sohasidagi faoliyatni amalga oshirishning huquqiy, tashkiliy va iqtisodiy asoslari belgilanishi, shuningdek, vakolatli organning vakolatlari birlashtirilishini ta’kidladi.  

Parlament tomonidan “Qozog‘iston Respublikasining ayrim qonun hujjatlariga qozoq itlarining qozoq zotlarini saqlash va ko‘paytirish masalalari bo‘yicha o‘zgartish va qo‘shimchalar kiritish to‘g‘risida”gi qonun qabul qilinganidan keyin mamlakat prezidenti tomonidan imzolanadi.