Qozog‘istonda Amazon'ning data markazlari joylashtirilishi kutilmoqda

Qozog‘iston Prezidenti Qosim-Jomart To‘qayev Nyu-Yorkda Amazon korporatsiyasi vitse-prezidenti Syuzan Poynter bilan uchrashuv o‘tkazdi, unda tomonlar respublika hududida ma’lumotlar (data) markazlarini joylashtirish imkoniyatlarini muhokama qildi. Bu haqda davlat rahbari matbuot xizmati xabar berdi. 

“Dunyodagi eng yirik texnologiya kompaniyasi vakili bilan suhbat chog‘ida bulutli texnologiyalarni rivojlantirish va ma’lumotlar (data) markazlarini qurish bo‘yicha o‘zaro manfaatli hamkorlik imkoniyatlari muhokama qilindi. Prezident Qozog‘istonning elektron texnologiyalar sohasidagi yutuqlariga e’tibor qaratdi. Hukumat mamlakatimizda raqamli sohani yanada takomillashtirish uchun o‘z sinfidagi eng yaxshi infratuzilma yechimlari mavjudligini ta’kidladi. Kompaniya butun Markaziy Osiyo mintaqasini qamrab olish istiqboli bilan Qozog‘iston bilan hamkorlikni mustahkamlashdan manfaatdorligini bildirdi”, deyiladi xabarda. 

Uchrashuv chog‘ida Qozog‘iston Raqamli rivojlanish va ayerokosmik sanoat vazirligi va Amazon Web Services o‘rtasida Outpost bulutli yechimini sotib olish va uning QazTech platformasi bilan integratsiyalashuvi bo‘yicha pilot loyihani ishga tushirish bo‘yicha kelishuv imzolangan.   

“Ushbu qadam Qozog‘istonda global ishtirokchilarning ma’lumotlar markazlarini joylashtirish va mamlakatning mintaqaviy IT-xabi sifatidagi salohiyatini ro‘yobga chiqarish uchun asos yaratadi”, deyiladi matbuot xizmati xabarida.