Qozog‘istonda 2021 yil boshida parlament saylovi o‘tkaziladi

Olam

−

21 Oktabr 2020 visibility3352

Qozog‘istonda 2021 yilning 10 yanvarida navbatdagi parlament saylovi o‘tkaziladi. Bu haqda Qozog‘iston Prezidenti Qosim-Jomart To‘qayevning tegishli qarorida belgilandi.

“Partiya ro‘yxati bilan saylanuvchi Qozog‘iston Respublikasi Parlamenti Majlisi deputatlarining navbatdagi saylovlari 2021 yil 10 yanvarga tayinlansin”, deyiladi qarorda.

Shuningdek, Qozog‘iston xalq Assambleyasi tomonidan saylanuvchi Parlament deputatlarining navbatdagi saylovi 2021 yil 11 yanvarda o‘tkaziladi.

Qozog‘iston Markaziy saylov komissiyasi Majlis deputatlarining navbatdagi saylovini o‘tkazishga tayyorgarlik ko‘radi.

Qozog‘iston Hukumati, Nur-Sulton, Olma-ota, Chimkent shaharlari, viloyatlar hokimlari parlament saylovlarini tashkiliy, moddiy-texnik va moliyaviy ta’minlash bo‘yicha tegishli choralarni ko‘radi.

Maqola muallifi