Qozog‘iston O‘zbekistonning JSTga a’zo bo‘lishini qo‘llab-quvvatlamoqchi

Jamiyat

image
0:00
0:00
download

Qozog‘iston O‘zbekistonni Jahon savdo tashkilotiga a’zo bo‘lishida qo‘llab-quvvatlashga tayyor. Bu haqda mamlakat Savdo va integratsiya vazirligi tomonidan tarqatilgan xabarda so‘z boradi. 

Qayd etilishicha, bugun, 14 iyun kuni Qozog‘iston Respublikasi Savdo va integratsiya vaziri o‘rinbosari Janelle Kushukova JST 12-Vazirlar konferensiyasi doirasida O‘zbekiston Respublikasi Investitsiyalar va tashqi savdo vaziri o‘rinbosari Badriddin Abidov bilan ikki tomonlama uchrashuv o‘tkazgan. 

Uchrashuvda tomonlar vakillari O‘zbekistonning JSTga a’zo bo‘lishi va ikki tomonlama hamkorlikning asosiy masalalarini muhokama qilgan. 

“O‘zbekiston do‘stona qo‘shni bo‘lib, u bilan yaqin savdo-iqtisodiy va madaniy aloqalar mavjud. Biz Toshkentning Jahon savdo tashkilotiga a’zo bo‘lishga intilishini qo‘llab-quvvatlaymiz”, degan Kushukova. 

Vazir o‘rinbosarining so‘zlariga ko‘ra, o‘zbekistonlik tomoni Qozog‘istonning JSTga a’zo bo‘lish tajribasini o‘rganishga katta qiziqish bildirgan. Shu maqsadda yaqin kelajakda ikki tomonlama maslahatlashuvlar tashkil etiladi.  

“Bunday maslahatlashuvlar doirasida JST doirasida belgilangan tartib asosida o‘zaro savdoning mavjud masalalari ham hal etiladi”, deydi Janelle Kushukova. 

Eslatib o‘tamiz, O‘zbekiston muzokaralar jarayonini 1994 yilda boshlagan. Uzoq tanaffusdan so‘ng, mamlakatning JSTga qo‘shilish jarayoni 2019 yil iyulda O‘zbekiston JSTga Tashqi savdo rejimi to‘g‘risidagi Memorandumni tashkilotga a’zolik arizasini ko‘rib chiqish uchun topshirganidan keyin qayta boshlangandi. 2019 yilda Yevropa ittifoqi O‘zbekistonning JSTga kirishi uchun 5 mln yevro ajratdi.

2020 yil iyulida O‘zbekiston Respublikasining Jahon savdo tashkilotiga kirishi bo‘yicha Ishchi guruhining to‘rtinchi yig‘ilishi bo‘lib o‘tgandi. Yig‘ilish davomida O‘zbekistonning JSTga kirishi nuqtai nazaridan Respublikaning ijtimoiy-iqtisodiy rivojlanish holati va istiqbollari to‘g‘risida ma’ruzasi taqdim etilgan. Ushbu jarayonning qayta tiklanishi 2017-2021 yillarda O‘zbekiston Respublikasini yanada rivojlantirish bo‘yicha Harakatlar strategiyasida belgilanganligi va mamlakatning ko‘p tomonlama savdo tizimiga qo‘shilishi orqali tashqi iqtisodiy faoliyatini rivojlantirishning muhim yo‘nalishlaridan biri ekanligi ta’kidlangan.


Maqola muallifi

Teglar

Baholaganlar

162

Reyting

3

Maqolaga baho bering

Doʻstlaringiz bilan ulashing

online_predictionLive

Barchasicall_made