Qozog‘iston Rossiyadan O‘zbekistonga gaz tranzitini oshirish uchun tizimni modernizatsiya qilishi kerak

Qozog‘iston Rossiyaning o‘z hududi orqali O‘zbekistonga gaz yetkazib berishni ko‘paytirish taklifidan foyda ko‘radi, biroq buning uchun respublika gaz transporti tizimini modernizatsiya qilish talab etiladi. Bu haqda jurnalistlarga Qozog‘iston Energetika vaziri Almasadam Satkaliyev ma’lum qildi. 

“Ayni paytda O‘zbekistonga 3,8 milliard kub metr hajmdagi Rossiya gazining tranziti rejalashtirilgan. Ta’minotni 11 milliard kub metrga oshirish uchun gaz tashish tizimini modernizatsiya qilish talab etiladi. “QazaqGaz” kompaniyasi tegishli sarmoya kiritishga tayyor”, deydi Satkaliyev TASSning Rossiya O‘zbekistonga gaz tranzitini 11 milliard kub metrgacha oshirish niyatida ekanligi haqidagi savoliga javoban. 

Vazirning ta’kidlashicha, ushbu loyiha Qozog‘iston uchun tranzitdan tushgan mablag‘ bo‘yicha ham, paritet tufayli ham foydalidir.  

“Ya’ni, qoida tariqasida, biz qozog‘istonlik iste’molchilar tegishli hajmdagi gaz olishlari mumkinligiga doimo rozimiz”, deya tushuntirgan u. 

Kecha, 27 may kuni Rossiya Prezidenti Vladimir Putin o‘zbekistonlik mavqedoshi Shavkat Mirziyoyev bilan muzokaralar yakunlari bo‘yicha “Markaziy Osiyo – Markaz” quvurlari tizimi quvvatini kengaytirish bo‘yicha ishlar olib borilayotganini ma’lum qildi, bu esa kelgusi yilda O‘zbekistonga gaz yuborish hajmini 11 milliard kub metrgacha oshirish imkonini beradi.  

2023 yilning 7 oktyabr kuni Rossiya Prezidenti Vladimir Putin, O‘zbekiston Prezidenti Shavkat Mirziyoyev va Qozog‘iston Prezidenti Qosim-Jomart To‘qayev Rossiya tabiiy gazini Qozog‘iston hududi orqali “Markaziy Osiyo – Markaz” gaz quvuri orqali O‘zbekistonga tranzit qilishni boshladi. 

Avvalroq Qozog‘iston Energetika vazirligi “Gazprom” OAJ va Qozog‘iston hukumati o‘rtasida imzolangan strategik hamkorlik to‘g‘risidagi bitim doirasida Rossiya gazini O‘zbekistonga tashishning yillik hajmini 2023 yildagi 1,28 milliard kub metrdan 2024 yilda 3,8 milliard kub metrgacha oshirdi.