Qirg‘izistonda xavfsizlik choralari kuchaytirilyapti. Putin kelmoqda!

Rossiya Prezidenti Vladimir Putinning tashrifi va MDH davlat rahbarlari sammiti vaqtida Bishkekda yo‘llari yopiladi. Bu haqda bugun, 9  oktyabr kuni bo‘lib o‘tgan matbuot anjumanida IIV Yo‘l harakati xavfsizligi bosh inspeksiyasi boshlig‘i o‘rinbosari, militsiya podpolkovnigi Manas Sidigaliyev ma’lum qildi, deb yozmoqda “24.kg”.

Uning qayd etishicha, “Manas” aeroportidan Prezident qarorgohigacha Fuchik ko‘chasi – Chuy prospekti – Manas prospekti bo‘ylab harakatlanish cheklanadi. 

Bundan tashqari, Vladimir Putin tashrifi doirasida Kant aviabazasiga borishni rejalashtirmoqda. Shu sababli, Manas shoh ko‘chasi - Chuy prospekti - Abdrahmonov ko‘chasi - Jibek Jolu prospekti - Olma-Ota ko‘chasi - aylanma yo‘l - Kant (Semzavod) - Kant aviabazasiga burilish yo‘nalishi bo‘ylab harakatlanish ham cheklanadi. 

Rossiya Prezidenti “Ata Beyit” majmuasiga ham tashrif buyurishni rejalashtirmoqda. Shu bois, Sadirboyev ko‘chasi bo‘ylab Davlat qarorgohidan yodgorlik majmuasigacha bo‘lgan avtomobillar harakati cheklanadi. 

“Fuqarolardan tushunishni so‘raymiz. Avtomobillarni yo‘lda qoldirmang, chunki ular majburan tortib olinadi. Tirbandlikni oldini olish va ishga kechikmaslik uchun sayohat marshrutlaringizni oldindan rejalashtiring. Boshqa yo‘l yopilgan taqdirda qo‘shimcha ma’lumot kerak bo‘lganda taqdim etiladi. Yo‘l harakati xavfsizligini ta’minlashga Davlat yo‘l harakati xavfsizligi inspeksiyasining 600 dan ortiq xodimi jalb etiladi”, deydi Manas Sidigaliyev. 

Eslatib o‘tamiz, Vladimir Putinning tashrifi va MDH davlat rahbarlari sammiti 12-13 oktyabr kunlariga mo‘ljallangan. U joriy yilning 6  oktyabr kuni Moskvada, O‘zbekiston Prezidenti Shavkat Mirziyoyev bilan uchrashuvda Qirg‘izistonda bo‘lib o‘tadigan MDH davlat rahbarlari sammitida ishtirok etishini tasdiqlagan edi.

Rasmiy Bishkek Putinning tashrifini 12 oktyabr kuni kutmoqda. Kreml tashrif sanasini belgilagani yo‘q. Japarov Hukumati esa Putinga Kant shahrida (Chuy viloyati) Rossiya aviabazasi ochilganining 20 yilligiga bag‘ishlangan tantanali tadbirda ishtirok etishni taklif qilgan.