Qashqadaryoda sodir bo‘lgan ikki YTHda 6 kishi halok bo‘ldi

Joriy yilning 10 va 23 aprel kunlari 4R-87 Qarshi-Yettitom avtomobil yo‘lida ikkita dahshatli YTH sodir bo‘ldi va har ikkala holatda ham mashinalar yonib ketdi. Oqibatda jami 6 kishi halok bo‘ldi. Bu haqda Viloyat IIB Axborot xizmati xabar berdi.

Qayd etilishicha, 2023 yil 10 aprel kuni tonggi soat 05:00 lar atrofida Cobalt rusumli avtomashina boshqaruvni yo‘qotib, qarama-qarshi tomondan kelayotgan Spark rusumli avtomobil bilan to‘qnashib ketgan. Oqibatda 2 yo‘lovchi va har ikkala avtomobil haydovchilari voqea joyida vafot etgan. 

Oradan 13 kun o‘tib, 23 aprel kuni soat 4:40 larda aynan ushbu yo‘lda Lacetti mashinasi o‘z yo‘nalishida harakatlanib, oraliq masofani saqlamasdan o‘zidan oldinda ketayotgan yuk mashinasining orqa tomoniga borib urilib, yonib ketgan. Hodisa oqibatida Lacetti haydovchisi va yo‘lovchisi og‘ir tan jarohatlari olib, voqea joyida halok bo‘lgan.

Nurmuhammad Fayzullayev