Qashqadaryoda paxta ortilgan yuk mashinasi yonib ketdi
Jamiyat
−
22 fevral 2023 3703
Kecha, 21 fevral kuni Qashqadaryo viloyatining Ko‘kdala tumanida paxta ortilgan yuk avtomobilida yong‘in yuzaga keldi. Bu haqda Favqulodda vaziyatlar vazirligi xabar berdi.
Qayd etilishicha, hodisa soat 16:48 da viloyatning Qo‘qdala tumani hududidan o‘tuvchi A-378 avtoyo‘lining 85-kilometrida yuz bergan. Yuk mashinasi haydovchisi salonda yong‘in hidini sezib, mashinaning kuzov qismida yong‘in boshlanganini ko‘rgan. Yuk avtomobiliga ortilgan paxta yonib ketgan.
Hodisa joyiga zudlik bilan hududiy FVV yong‘in-qutqaruv ekipajlari yetib kelgan. Soat 17:20 da yong‘in to‘liq o‘chirilgan. Avtomashinadagi yukning bir qismi yong‘indan saqlab qolingan.
“Hodisa oqibatida halok bo‘lgan va jarohat olganlar yo‘q”, deyiladi xabarda.
Live
Barchasi