Qashqadaryoda mast haydovchi avtomobili bilan kanalga “sho‘ng‘idi”

3-sahifa

−

28 noyabr 2022 visibility6126

Qashqadaryoda mast haydovchi boshqaruvida bo‘lgan Nexia-1 avtomobili kanalga tushib ketdi. Bu haqda Qashqadaryo viloyati Favqulodda vaziyatlar boshqarmasi ma’lum qildi.

Hodisa bo‘yicha, qutqaruv xizmatiga kecha 26 noyabr kuni soat taxminan 03:30 larda Kasbi tumani “Nazartepa” mahallasidagi kanalga yengil avtomobil tushib ketgani to‘g‘risida xabar kelib tushgan.

Xabarga ko‘ra, voqea joyiga tuman FVB va IIB mas’ullari yetib borib, holatni o‘rgangan. Ro‘y bergan vaziyat oqibatida tan jarohati olganlar yo‘qligi ma’lum bo‘lgach, hamkorlikda kanaldagi Nexia-1 rusumli transport vositasi maxsus texnika yordamida olib chiqilgan.

Ma’lum bo‘lishicha, mazkur transport vositasi Nishon tumanida yashovchi 1985 yilda tug‘ilgan fuqaro A.A.ga tegishli bo‘lgan. U avtomobilni mast holda boshqargan.