Qashqadaryoda ko‘p miqdorda sifatsiz go‘sht yo‘q qilindi
3-sahifa
−
11 noyabr 2021
4802Qashqadaryo viloyatining Qarshi shahrida Nexia yukxonasida 250 kilogrammga yaqin iste’molga yaroqsiz, noma’lum hayvonning go‘shti borligi aniqlanib, belgilangan tartibda yo‘q qilindi. Bu haqda viloyat IIB axborot xizmati xabar berdi.
Ta’kidlanishicha, 8 noyabr kuni, tahminan, soat 22:00 larda Qarshi shahar hududidan o‘tuvchi A-378 avtomobil yo‘lining 2-kilometrida yo‘l chetida to‘xtab turgan Nexia avtomobili hududda xizmat olib borayotgan Patrul-post xodimlari e’tiborini tortgan.
Mazkur avtomobil tekshiruvdan o‘tkazilganda yukxonasida hujjatsiz qariyb 250 kilogramm iste’molga yaraqsiz go‘sht borligi aniqlangan.
Mazkur go‘shtni olib ketayotgan ayolning so‘zlariga ko‘ra, u damlab qolgan molning go‘shtini 100-200 ming so‘mga sotib olib, it urishtiruvchilarga pullamoqchi bo‘lgan.
Ushbu go‘sht mahsulotlari viloyat Hayvonlar kasalliklar tashxisi va oziq-ovqat mahsulotlar xavfsizligi davlat markazi tomonidan iste’molga yaroqsizligi aniqlanib, belgilangan tartibda yo‘q qilingan.
Azizbek Nahanov
LiveBarchasi
07 noyabr 2023
07 noyabr 2023
07 noyabr 2023