Qarzdorlik hisobiga banklar balansiga olingan mol-mulklarni to‘g‘ridan to‘g‘ri sotishga ruxsat etildi
O‘zbekiston
−
17 Aprel 2025 9499 2 daqiqa
O‘zbekistonda qarzdorlik hisobiga banklar balansiga olingan mol-mulklar realizatsiyasi jadallashtiriladi. Bu haqda joriy yilning 15 aprel kuni imzolangan “Qarzdorlik hisobiga banklar balansiga olingan mol-mulklar realizatsiyasini jadallashtirish chora-tadbirlari to‘g‘risida”gi prezident qarorida keltirilgan.
Qarorga ko‘ra, 2025 yilning 1 may kunidan e’tiboran ustav fondida davlat ulushi 50 foiz va undan ortiq bo‘lgan banklarga va ular huzuridagi investitsiya kompaniyalariga auksionda sotilmasdan qarzdorliklarni so‘ndirish evaziga bank balansiga olingan mol-mulklarni bozor qiymatida to‘g‘ridan to‘g‘ri sotishga, shu jumladan, kredit, bo‘lib-bo‘lib to‘lash, lizing shartnomalari yoki qonunchilikda taqiqlanmagan boshqa bitimlar orqali sotishga ruxsat etiladi.
Tijorat banklariga qarzdorliklarni so‘ndirish evaziga bank balansiga qabul qilingan bino-inshootlar, texnologik uskunalar va boshqa mol-mulklar negizida tijorat banklari huzuridagi investitsiya kompaniyalari orqali to‘xtab qolgan ishlab chiqarish (xizmat ko‘rsatish) faoliyatini tiklab, ularni tayyor biznes sifatida salohiyatli investorlarga sotish huquqi beriladi.
2025 yilning 1 sentyabridan boshlab da’vo arizasi bo‘yicha ishni soddalashtirilgan ish yuritish tartibida ko‘rib chiqish uchun da’voning maksimal bahosi quyidagicha bo‘ladi:
- yuridik shaxslarga nisbatan BHMning 150 baravarigacha (56 million 250 ming so‘mgacha);
- yakka tartibdagi tadbirkorlarga nisbatan BHMning 100 baravarigacha (37,5 million so‘mgacha);
- jismoniy shaxslarga nisbatan BHMning 50 baravarigacha (18 million 750 ming so‘mgacha) oshiriladi.
Ma’lumot uchun, Prezident tomonidan imzolangan “Ish haqi, pensiyalar va nafaqalar miqdorini oshirish to‘g‘risida”gi farmonga asosan 2024 yilning 1 oktyabridan e’tiboran bazaviy hisoblash miqdori 10 foizga oshirilgan. Shunga ko‘ra, endilikda O‘zbekiston hududida bazaviy hisoblash miqdorining amaldagi summasi 375 ming so‘mni tashkil etadi.
Live
BarchasiShavkat Mirziyoyev Ummonga bordi
16 Noyabr
Bangladeshda tikuvchilar ish tashlamoqda
16 Noyabr