Qarshida eshak go‘shti sotgan shaxsga sud hukmi o‘qildi

3-sahifa 12901
image
-

Xabaringiz bor, avvalroq Qashqadaryo viloyati Qarshi shahrida xonadonida eshak so‘yib, go‘shtini sotayotganlar ushlangandi va mazkur holat bo‘yicha jinoyat ishi qo‘zg‘atilgandi. 

Kecha, 20 sentyabr kuni jinoyat ishlari bo‘yicha Qarshi shahar sudi tomonidan o‘tkazilgan sayyor sudda eshak go‘shti sotishda ayblangan fuqaro X.J.ga hukm o‘qildi. Bu haqda viloyatning mahalliy telekanalning “Xabarlar” informatsion dasturida ma’lum qilingan.

Ayblanuvchi sud protsessi davomida qilgan ishidan pushaymon ekanligini, boshqa bunday ishlarga qo‘l urmasligini aytib, suddan yengillik so‘ragan.

Sudda fuqaro X.J.ga O‘zbekiston Respublikasi Jinoyat kodeksining 186-moddasi 1-qismi bilan aybli deb topilib, ish haqining 20 foizi davlat daromadiga ushlab qolingan holda 2 yil axloq tuzatish ishlari jazosi tayinlandi.

Murod Berdiyev
Maqolaga baho bering
Baholaganlar: 509
Reyting: 3.1
t
×