Qarshida 13 nafar o‘smir is gazidan zaharlandi
Jamiyat
−
19 dekabr 2020 6692
Respublika shoshilinch tibbiy yordam ilmiy markazi Qashqadaryo filialiga 19 dekabr kuni soat 06:50 da is gazidan zaharlangan jami 13 nafar o‘smir keltirilgan. Bu haqda Qashqadaryo viloyati Sog‘liqni saqlash boshqarmasi xabar qildi.
Dastlabki ma’lumotlarga ko‘ra, Qarshi shahridagi xususiy o‘quv markazlaridan biriga tegishli yotoqxonada gaz bilan ishlaydigan isitish qozonidagi nosozlik mazkur noxush hodisaga sabab bo‘lgan.
O‘smirlarning hammasi o‘g‘il bola. Eng kichigi 11, eng kattasi 14 yoshda. Ularning 3 nafari og‘ir, 5 nafari o‘rta og‘ir holda shifoxonaga keltirilgan bo‘lsa, qolganlariga ambulator sharoitda tibbiy yordam berilgan.
Ko‘rsatilgan tibbiy xizmatdan keyin ularning barchasining ahvoli yaxshilangan.
Live
Barchasi