“Qamchiq” dovonida tuproq-loy ko‘chkisi sodir bo‘ldi (video)
Jamiyat
−
07 mart 2023 6558
Kecha, 6 mart kuni soat 20:17 da A-373 avtomobil yo‘lining “Vodiy-Toshkent” yo‘nalishi 222,1 kilometrida 70 metr kub tuproq-loy ko‘chkisi hodisasi sodir bo‘lgan. Bu haqda Favqulodda vaziyatlar vazirligi Matbuot xizmati xabar berdi.
Qayd etilishicha, ko‘chki avtomobil yo‘lining 2- va 3- tasmasiga qisman tushgan. Holat yuzasidan zudlik bilan voqea joyiga “Qamchiq” Maxsus qidiruv, yong‘in-qutqaruv boshqarmasi qutqaruvchilari yetib borib, “Qamchiqavtoyo‘l” ixtisoslashgan yo‘llardan foydalanish unitar korxonasi (IYFUK) xodimlari bilan hamkorlikda yo‘lni tuproq-loy massasidan tozalash ishlarini amalga oshirgan va transport vositalarining xavfsiz harakati ta’minlangan.
“Hodisa oqibatida tan jarohati olgan va halok bo‘lganlar yo‘q”, deyiladi xabarda.
Live
Barchasi