“Qamchiq” dovonida harakat to‘xtatildi

Jamiyat

−

12 mart 2022 visibility10379

Bugun, 12 - mart kuni soat 9:00 dan A-373 Xalqaro avtomobil yo‘lining “Qamchiq” dovonidan o‘tgan qismi avtomobillar harakati uchun vaqtincha yopildi. Bunga hududda qor ko‘chkisi xavfi yuzaga kelgani sabab bo‘lgan. Bu haqda Favqulodda vaziyatlar vazirligi xabar berdi.

Qayd etilishicha, ayni daqiqalarda FVV rahbarligida tegishli tashkilotlarning mutaxassislari tomonidan vaziyat oqibatlarini bartaraf etish borasida keng ko‘lamli profilaktik ishlar amalga oshirilmoqda.

Gidrometeorologiya xizmati markazi ma’lumotiga ko‘ra, hozirda hududda qor yog‘moqda.

Dovon yo‘li ochilishi bilan qo‘shimcha ma’lumot taqdim etiladi.

Maqola muallifi