ITSV agentliklariga yangi rahbarlar tayinlandi
Jamiyat
−
12 fevral 2022 4908
O‘zbekiston Respublikasi Vazirlar Mahkamasining tegishli qaroriga muvofiq Investitsiyalar va tashqi savdo vazirligi huzuridagi Xorijiy investitsiyalarni jalb qilish agentligi direktori vazifasini bajaruvchi lavozimiga Ulug‘bek Qosimxo‘jayev tayinlandi.
Qayd etilishicha, Ulug‘bek Qosimxo‘jayev mazkur tayinlovga qadar Xalq ta’limi vazirining investitsiyalar va grantlarni jalb qilish bo‘yicha maslahatchisi, Toshkent xalqaro ta’lim universiteti rektori, Turizmni rivojlantirish Davlat qo‘mitasi raisining birinchi o‘rinbosari hamda turli xorijiy kompaniyalarda rahbarlik lavozimlarida ishlab kelgan.
Shuningdek, Investitsiyalar va tashqi savdo vazirligi huzuridagi Xalqaro hamkorlik va rivojlanish agentligi direktori lavozimiga Shohruh Rahimov tayinlangan.
Shohruh Rahimov ushbu lavozimga tayinlangunga qadar, Investitsiyalar va tashqi savdo vazirligining turli tarkibiy bo‘linmalari hamda boshqa tashkilotlar va tarmoq birlashmalarida rahbarlik lavozimlarida faoliyat yuritgan.
Live
Barchasi