It akulaga tashlandi (video)

Bagama orollaridan birida uy iti bolg‘a boshli akulaga hujum qilib, sayyohlarni hayratda qoldirdi. Bu haqda “New York Post” nashri xabar berdi.

It va akulaning jangi guvohlardan biri tomonidan olingan videoga tushib qolgan. Kadrlarda itning yirtqichni qanday payqagani, suvga sakrab tushib, uning ustiga chiqishga uringani ko‘rsatilgan. Ekrandan tashqarida, yelkanli qayiqda o‘tayotgan sayyohlar hayajon bilan itni orqaga qaytarish uchun qichqirgan. 

“It yoki o‘z orolini himoya qilishni, yoki shunchaki katta baliqdek tuyulgan akula bilan o‘ynashni xohladi. Qanday bo‘lmasin, it uning ustiga sakrab chiqdi”, deydi sayyohlik agentligidagi bronlash menejeri. 

It akula bilan ikki yarim daqiqa kurashdi va nihoyat uni qirg‘oqdan haydab chiqarishga muvaffaq bo‘lgan.

It shaxsiy orolning yagona rezidenti va bu yerning qo‘riqchisiga tegishli. It har doim o‘tayotgan sayyohlarni kutib olgani sababli, u mahalliy ekskursiya dasturining bir qismiga aylangan. 

“It yaxtani quvib, salom aytish uchun sayyohlar oldiga yuguradi. Bu sayohatning bir qismiga aylandi. Biz doimo suzib yurganimizda itga qo‘l siltab qo‘yamiz”, deb tushuntirdi menejer.

Ma’lumot uchun, bolg‘a boshli akulalar iliq tropik qirg‘oq suvlarida va kontinental havzalarda uchraydi. Boshining bolg‘aga o‘xshash g‘ayrioddiy shakli tufayli shunday nomlangan. Yirtqichning uzunligi olti metr, vazni esa 580 kilogramga yetishi mumkin.