Istanbuldagi kuchli yomg‘irda halok bo‘lganlar orasida o‘zbekistonliklar bormi?
Jamiyat
−
06 Sentabr 2023 7464
Avvalroq Turkiyaning Istanbul shahrida kuchli yomg‘irdan keyin sodir bo‘lgan suv toshqini oqibatida bir kishi halok bo‘lgani haqida xabar bergan edik. Hozirda vafot etganlar soni 4 nafarga yetdi va ularning orasida o‘zbekistonliklar aniqlanmagan. Bu haqda O‘zbekistonning Istanbul shahridagi Bosh konsulxonasi ma’lum qildi.
Joriy yilning 5 sentyabr kuni Istanbul shahrining ayrim tumanlarida (Bashakshehir, Arnavutkey, Kuchukchekmeje) kuchli yomg‘ir yog‘ishi oqibatida 4 nafar shaxs vafot etgan va bir necha kishi jarohat olgan.
Bosh konsulxona Istanbul viloyat hokimligi va mutasaddi tashkilotlar bilan bog‘lanishi natijasida vafot etganlar orasida O‘zbekiston fuqarolari yo‘qligini aniqlagan.
“Jabrlanganlar orasida vatandoshlarimiz borligi haqida diplomatik vakolatxonaga ma’lumot kelib tushmaganini ma’lum qilamiz”, deyiladi xabarda.
