Ispaniya ishonchli g‘alaba bilan nimchorak finalga yo‘l oldi

Bugun, 3 iyul kuni Ispaniya terma jamoasi 2026 yilgi Jahon chempionati 1/16 finalida Avstriyani 3:0 hisobida mag‘lub etdi. Natijada ispanlar musobaqaning nimchorak final bosqichiga yo‘l oldi.

Kaliforniya shtatining Inglvud shahrida bo‘lib o‘tgan uchrashuvda Ispaniyaga g‘alabani Mikel Oyarsabalning 36 va 89-daqiqalarda urgan dubli hamda Pedro Porroning 66-daqiqada kiritgan goli keltirdi.

Ispaniya guruh bosqichini “H” guruhida birinchi o‘rinda yakunlagan bo‘lsa, Avstriya “J” guruhida ikkinchi o‘rinni egallagan edi.

Endilikda ispanlar 1/8 finalda Portugaliya – Xorvatiya juftligi g‘olibiga qarshi maydonga tushadi. Mazkur uchrashuv joriy yilning 6 iyul kuni AQSHning Texas shtati, Arlington shahrida bo‘lib o‘tadi.

Ma’lumot uchun, 2026 yilgi Jahon chempionati AQSH, Kanada va Meksika mezbonligida o‘tkazilmoqda. Musobaqa joriy yilning 19 iyul kuniga qadar davom etadi.