Ispaniya 16 yoshgacha bo‘lgan bolalarning ijtimoiy tarmoqlarga kirishini taqiqlaydi

Ispaniya Vazirlar kengashi tomonidan 16 yoshgacha bo‘lgan bolalarning ijtimoiy tarmoqlardan foydalanishini taqiqlash qarori kelasi hafta tasdiqlanadi. Bu haqda 3 fevral kuni Ispaniya Bosh vaziri Pedro Sanches aytib o‘tdi. 

Sanchesning so‘zlariga ko‘ra, Ispaniya 16 yoshgacha bo‘lgan bolalarning ijtimoiy tarmoqlarga kirishini taqiqlaydi.

“Platformalar yoshlarga qarshi samarali yoshni tekshirish tizimlarini joriy etishga majbur bo‘ladi, bu faqat ko‘rsatish uchun emas, balki amalda ishlaydigan haqiqiy to‘siqlar bo‘lishi kerak”, degan Bosh vazir.

Bu tashabbus, Sanchesning aytishicha, raqamli muhit ustidan nazoratni tiklash uchun zarur bo‘lgan keng qamrovli choralar paketining bir qismi hisoblanadi.

Boshqa mamlakatlarda ham ortiqcha smartfon va ijtimoiy tarmoqlardan foydalanishning bolalar ruhiy salomatligiga salbiy ta’siri haqida xavotirlar mavjud. Masalan, Daniya ilgari 15 yoshgacha bo‘lgan bolalarning ijtimoiy tarmoqlardan foydalanishini taqiqlash rejasini e’lon qilgan edi.

Parijda bunday taqiq sentyabr oyidan joriy qilinishini kutilmoqda. Portugaliyada esa 2 fevral kuni 16 yoshgacha bo‘lgan bolalar ijtimoiy tarmoqlarga kirish uchun ota-onalar ruxsatini olishlari kerak bo‘lgan qonun loyihasini taqdim etdi.

Eslatib o‘tamiz, avvalroq Avstraliya esa 16 yoshgacha bo‘lgan shaxslar uchun ijtimoiy tarmoqlardan foydalanishni taqiqlagan birinchi davlat bo‘lgandi.