Islom Karimov nomidagi xalqaro aeroportning qachon modernizatsiya qilinishi ma’lum qilindi

Islom Karimov nomidagi “Toshkent” xalqaro aeroportini modernizatsiya qilishni boshlash 2020 yil may oyiga rejalashtirilmoqda. Bu O‘zbekiston Respublikasi prezidentining “Respublika iqtisodiyotiga to‘g‘ridan-to‘g‘ri xorijiy investitsiyalarni jalb qilish mexanizmlarini yanada takomillashtirish chora-tadbirlari to‘g‘risida”gi qarorida ko‘rsatib o‘tilgan.

2019 yil may oyida Xalqaro moliya korporatsiyasi bilan konsultatsiya xizmatini ko‘rsatish bo‘yicha bitim tuzish mo‘ljallanmoqda. Loyiha qiymati - 470 mln AQSH dollari.

2019 yil 3-chorakda DXSH loyihasi bo‘yicha hujjatlarni tayyorlash, 2019 yil sentyabrida - tender takliflari so‘rovini e’lon qilish, 2019 yil dekabrida - tender takliflarini tayyorlash va topshirish, 2020 yil yanvarida - tender takliflarini baholash, 2020 yil fevralida - tender g‘olibini e’lon qilish rejalashtirilgan.

Bitimni imzolash jarayoni esa 2020 yil mart oyida bo‘lib o‘tadi.