Inouening rejalarida Ahmadaliyev bilan jang yo‘q
Sport
−
04 Sentabr 3674
Yaponiyalik professional bokschi, 4 ta yo‘nalishda jahon chempioni Naoya Inoue hali-beri o‘zbekistonlik Murodjon Ahmadaliyev bilan jang qilmoqchi emas. Bu haqda “Top Rank” rahbari Bob Arum “Dazn”ga bergan intervyusida ma’lum qildi.
Arumga ko‘ra, yaponiyalik bokschi keyingi jangini Xalqaro boks federatsiyasi (IBF) yo‘nalishida rasmiy da’vogar 25 yoshli avstraliyalik Sem Gudmenga (19-0, 8 KO) qarshi o‘tkazadi. Jang 24 dekabr kuni Tokioda bo‘lib o‘tadi.
Shundan so‘ng, Arum 2025 yilning ikkinchi yarmida Inoue va bitta past vaznda Butunjahon boks ittifoqi (WBC) chempioni hamyurti Junto Nakatani (28-0, 21 KO) o‘rtasidagi jangni AQSHning Las-Vegas shahrida o‘tkazishni reja qilmoqda.
26 yoshli Nakatani ayni vaqtda “The Ring” jurnali talqiniga ko‘ra, vazn toifasidan qat’i nazar (P4P) reytingida 9-o‘rinda bormoqda. U Inoue bilan jang qilish uchun vaznini ko‘tarishga tayyorligini bildirgan.
Eslatib o‘tamiz, avvalroq Ahmadaliyev Inouega chaqiruv tashlab, yaponiyalik bokschi istalgan joyda, istalgan vaqtda jang qilishga tayyorligini bildirgandi.
Live
Barchasi
