Ikki viloyatda qor ko‘chish xavfi e’lon qilindi
Jamiyat
−
22 aprel 2782
Joriy yilning 23-30 aprel kunlari kutilayotgan yog‘ingarchilik hamda havo haroratining o‘zgarishlari sababli respublikaning ayrim hududlarida qor ko‘chish xavfi e’lon qilindi. Bu haqda O‘zgidromet xabar berdi.
Qor ko‘chish xavfi O‘zbekistonning tog‘li hududlarida dengiz sathidan 2000 m balandlikda, jumladan:
- Toshkent viloyati: Bo‘stonliq, Parkent, Ohangaron tumanlari (Chotqol tizmasi tog‘lari);
- Namangan viloyati: Pop tumanida e’lon qilindi.
Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rish so‘ralgan.
Eslatib o‘tamiz, O‘zgidromet 20−23 aprel kunlari O‘zbekistonning to‘qqizta viloyatida sel va suv toshqinlari sodir bo‘lishi mumkinligi haqida ogohlantirgandi.
Live
Barchasi
