IIV tizimida yana lavozim tayinlovlari amalga oshirildi

north_east

Deputat: “Ayrim IIV xodimlari salla desa kallani olish bilan band”

O‘zbekiston Respublikasi ichki ishlar vazirining shaxsiy tarkib bo‘yicha buyrug‘i bilan yangi lavozim tayinlovlari amalga oshirildi. Bu xaqda Ichki ishlar vazirligi matbuot xizmati xabar bermoqda.

Unga ko‘ra, podpolkovnik To‘ychiyev Farxod Yo‘lchiyevich Jizzax viloyati Zomin tumani bo‘yicha IIO FMB boshlig‘i lavozimiga tayinlandi. U bu lavozimga qadar, Jizzax viloyati Zomin tumani IIB boshlig‘i lavozimida xizmat olib borgan.

Polkovnik Shayzokov Farxod Xolbekovich Samarqand viloyati IIB Yo‘l harakati xavfsizligi boshqarmasi boshlig‘i lavozimiga tayinlandi. Farxod Shayzokov tayinlovga qadar Sirdaryo viloyati IIB Yo‘l harakati xavfsizligi boshqarmasi boshlig‘i lavozimida xizmat qilgan.

Samarqand viloyati IIB Jinoyat qidiruv boshqarmasi boshlig‘i lavozimida xizmat qilgan podpolkovnik Jalilov Otabek Abdusamatovich Samarqand viloyati Urgut tumani bo‘yicha IIO FMB boshlig‘i lavozimiga tayinlandi. 

Polkovnik Davirov Ravshan Ishkuvatovich Samarqand viloyati Pastdarg‘om tumani IIB boshlig‘i lavozimiga tayinlandi. U tayinlovga qadar Samarqand viloyati IIB 38-son manzil koloniyasi boshlig‘ining tezkor-qidiruv, tartibot va tarbiyaviy ishlar bo‘yicha o‘rinbosari lavozimida xizmat qilgan.

Toshkent viloyati Toshkent tumani IIB boshlig‘ining birinchi o‘rinbosari lavozimida xizmat qilgan mayor Azizov Xayriddin Sirojitdinovich Toshkent viloyati Yangiyo‘l shahar IIB boshlig‘i lavozimiga tayinlangan.

Podpolkovnik Sultanxodjayev Ravshan Irkinovich Toshkent shahar IIBB Tashkiliy boshqarma boshlig‘i lavozimiga tayinlandi. Ravshan Sultanxodjayev tayinlovga qadar IIV Tezkor-qidiruv hamkorligi boshqarmasi boshlig‘ining o‘rinbosari lavozimida xizmat qilgan.

Avvalroq, 10 aprel kuni Ichki ishlar vazirining shaxsiy tarkib bo‘yicha buyrug‘i bilan lavozim tayinlovlari amalga oshirilgani haqida xabar bergan edik.