ИИВ тизимида яна лавозим тайинловлари амалга оширилди

north_east

Депутат: “Айрим ИИВ ходимлари салла деса каллани олиш билан банд”

Ўзбекистон Республикаси ички ишлар вазирининг шахсий таркиб бўйича буйруғи билан янги лавозим тайинловлари амалга оширилди. Бу хақда Ички ишлар вазирлиги матбуот хизмати хабар бермоқда.

Унга кўра, подполковник Тўйчиев Фарход Йўлчиевич Жиззах вилояти Зомин тумани бўйича ИИО ФМБ бошлиғи лавозимига тайинланди. У бу лавозимга қадар, Жиззах вилояти Зомин тумани ИИБ бошлиғи лавозимида хизмат олиб борган.

Полковник Шайзоков Фарход Холбекович Самарқанд вилояти ИИБ Йўл ҳаракати хавфсизлиги бошқармаси бошлиғи лавозимига тайинланди. Фарход Шайзоков тайинловга қадар Сирдарё вилояти ИИБ Йўл ҳаракати хавфсизлиги бошқармаси бошлиғи лавозимида хизмат қилган.

Самарқанд вилояти ИИБ Жиноят қидирув бошқармаси бошлиғи лавозимида хизмат қилган подполковник Жалилов Отабек Абдусаматович Самарқанд вилояти Ургут тумани бўйича ИИО ФМБ бошлиғи лавозимига тайинланди. 

Полковник Давиров Равшан Ишкуватович Самарқанд вилояти Пастдарғом тумани ИИБ бошлиғи лавозимига тайинланди. У тайинловга қадар Самарқанд вилояти ИИБ 38-сон манзил колонияси бошлиғининг тезкор-қидирув, тартибот ва тарбиявий ишлар бўйича ўринбосари лавозимида хизмат қилган.

Тошкент вилояти Тошкент тумани ИИБ бошлиғининг биринчи ўринбосари лавозимида хизмат қилган майор Азизов Хайриддин Сирожитдинович Тошкент вилояти Янгийўл шаҳар ИИБ бошлиғи лавозимига тайинланган.

Подполковник Султанходжаев Равшан Иркинович Тошкент шаҳар ИИББ Ташкилий бошқарма бошлиғи лавозимига тайинланди. Равшан Султанходжаев тайинловга қадар ИИВ Тезкор-қидирув ҳамкорлиги бошқармаси бошлиғининг ўринбосари лавозимида хизмат қилган.

Аввалроқ, 10 апрель куни Ички ишлар вазирининг шахсий таркиб бўйича буйруғи билан лавозим тайинловлари амалга оширилгани ҳақида хабар берган эдик.