Gretsiyada dinamit zavodi portladi
Olam
−
21 mart 2022 4615
Bugun, 21 mart kuni Gretsiya shimolida joylashgan Itea mintaqasidagi portlovchi moddalar zavodida kuchli portlash sodir bo‘ldi. Bu haqda TASS xabar berdi.
“Portlash juda kuchli bo‘lgan. Asorati hatto 30 kilometr uzoqlikdagi Grevena shahrida ham sezildi. Zavod vayron bo‘lgan”, deyiladi xabarda.
Dinamit zavodining uch nafar qo‘riqchisi bedarak yo‘qolgan, ikki kishi yaralangan.
Voqea joyiga tabiiy ofatlarga qarshi kurash bo‘yicha maxsus kuchlarning to‘rtta mashinasida 11 o‘t o‘chiruvchi yuborilgan. Bundan tashqari, ikkita tez yordam mashinasi va politsiya yetib kelgan.
Live
Barchasi