Gorbachyov “Sovuq urush” hamda Rossiya va G‘arbning munosabatlari haqida gapirdi

"Sovet Ittifoqi va G‘arb mamlakatlari o‘rtasidagi Sovuq Urushning tugashi umumiy g‘alaba edi, ammo G‘arb rahbarlari Rossiyada qanday qabul qilinishini hisobga olmay, o‘zlarini g‘olib deb e’lon qildilar", dedi sobiq Ittifoqning birinchi va so‘nggi Prezidenti Mixail Gorbachyov Germaniyaning Welt am Sonntag  gazetasiga bergan intervyusida. 

"Sovuq urushning tugashi bizning umumiy g‘alabamiz edi, lekin G‘arb siyosatchilari va birinchi navbatda Qo‘shma Shtatlar o‘zlarini g‘olib deb e’lon qildi. Ular buni hamma joyda o‘ylab topdi. Aytgancha, ommaviy axborot vositalari bu haqda gapirdi", dedi Gorbachyov.

Uning so‘zlariga ko‘ra, G‘arb mamlakatlari rahbarlari Rossiyada qarama-qarshilikning yakunini qanday talqin qilishni va bu kelgusi munosabatlarga qanday ta’sir qilishini hisobga olmagan. Shu bilan birga, G‘arb o‘zini "hamma narsaga ruxsat berilgan" kabi tuta boshladi.

SSSR sobiq Prezidentining fikricha, G‘arb mamlakatlari yangi davr sinovlariga dosh berolmayapti va bu ular va Rossiya o‘rtasidagi hozirgi farqlarning asosiy sababidir.

"So‘nggi paytlarda Yevropada ba’zi siyosatchilar birgalikda barcha tomonlarga mos keladigan yechimni izlash zararli deb o‘ylay boshladi. Men bilaman, Rossiya ham shu haqida o‘ylamoqda", deya xulosa qildi sobiq Sovet rahbari.