Gol urolmagan Benzema, dubl qayd etgan Hamdalla. OKMK va   “Al-Ittihod”ning shov-shuvli bahsidan fotoreportaj

Bugun, 27 noyabr kuni futbol bo‘yicha Osiyo Chempionlar ligasining 5-tur bahslari bo‘lib o‘tdi. Tur doirasida Olmaliqning OKMK klubi Saudiya Arabistonining “Al-Ittihod” klubini qabul qilib 1:2 hisobida mag‘lubiyatga uchradi.

Mehmonlar safidagi 2 ta golga ham 99-raqamdagi Hamdalla mualliflik qildi. Olmaliklardan bitta javob to‘pini 79-daqiqada 27-raqamdagi Martin Boake kiritdi. Butun o‘yin davomida muxlislar e’tibori qaratilgan fransiyalik yulduz Karim Benzema esa maydonni golsiz tark etdi.

Shunday qilib, 10 mingdan ortiq muxlis kuzatib borgan o‘yinda Saudiya klubi navbatdagi uch ochkoga ega chiqqan bo‘lsa, Mirjalol Qosimov shogirdlari 5-turga kelib ham dastlabki ochkoga ega chiqa olmadi.

Hozirga kelib “C” guruhidan joy olgan “Al-Ittihod” hisobida 12 ochko mavjud. Jamoa muddatidan avval nimchorak final masalasini hal qilgan. Hali 5-tur o‘yinini o‘tkazib ulgurmagan Eronning “Sepahon” jamoasi esa 9 ochko bilan 2-pog‘onada bormoqda.

Suratlar muallifi: Umid Sobirov