Germaniya Ukrainaga 19 ta Leopard 2 tankini topshirishi mumkin – Der Spiegel

Germaniya Ukrainaga Bundesverning (Germaniya Qurolli Kuchlari) zaxiralaridan 19 ta Leopard 2 jangovar tankini yetkazib berishi mumkin. Bu haqda o‘z manbalariga tayanib Der Spiegel nashri xabar berdi.

Jurnal ma’lumotlariga ko‘ra, Bundesverda 2 xil modeldagi jami 312 ta Leopard tanklari mavjud. Biroq o‘tgan yilning may oyida 99 ta Leopard tanki ta’mirlashga berilgan va bitta tank foydalanishdan chiqarilgan.

Natijada Bundesvar ixtiyorida 2A5, 2A6, 2A7 va 2A7B rusumli 212 ta tank qoldi. Nashr manbalariga ko‘ra, Bundesver o‘z aksiyalaridan 19 ta Leopard 2A5 modelini Kiyevga o‘tkazishi mumkin.

Shuningdek, agar Germaniya hukumati Kiyevga jangovar tanklar yetkazib berishga rozi bo‘lsa, Germaniyaning Leopard 2A5 modellari boshqa Yevropa mamlakatlari, masalan, Polshaning Leopard 2 modellari bilan birlashtirilishi ham mumkin.

Lekin Bundesver jangovar tanklarining Ukrainaga yetkazilishi mumkinligi Germaniya Mudofaa vazirligining yangi rahbari Boris Pistorius tomonidan hali ma’qullanmagan.

U Ukrainani qo‘llab-quvvatlash uchun Berlin Leopard tanklarini etkazib berishga hali tayyor emasligini aytgan va shu bilan birga, bu qaror “yaqin kunlarda” qabul qilinishi mumkinligini istisno etmagan. U keyingi qaror qabul qilish uchun ushbu turdagi tanklarni tekshirishga ko‘rsatma bergan.