Germaniya Ukrainaga harbiy texnika va o‘q-dorilar yubordi

Berlin Kiyevga yangi harbiy yordam paketini, jumladan, harbiy texnika va o‘q-dorilarni yubordi. Bu haqda Germaniya hukumatining veb-saytida ma’lum qilindi. 

Eng so‘nggi yetkazib berishlar orasida uchta Gepard o‘ziyurar zenit qurollari (ularning umumiy soni 52 donaga yetdi), shuningdek, ular uchun 30 240 zenit zirhli o‘q-dorilari va Leopard 2 A6 tanklari uchun noma’lum miqdordagi o‘q-dorilar bor.

Bundan tashqari, paketdan 2500 ta 155 mm artilleriya snaryadlari, ikkita WISENT 1 zirhli minalarni tozalash mashinasi (ularning umumiy soni 14 ta), ehtiyot qismlar to‘plamiga ega 10 vektorli razvedka uchuvchisiz samolyotlari (umumiy soni - 162 dona), ikkita chegara xizmati avtomashinalari (umumiy soni – 243 ta),  AMPS vertolyotlari uchun ikkita raketaga qarshi mudofaa tizimi (jami soni – 4) o‘rin olgan.

Shuningdek, Ukrainaga sakkizta og‘ir yuk tashuvchi Zetros yo‘ltanlamas avtomashinalari (umumiy soni – 240 ta), ikkita Man XH81 traktori va ular uchun beshta yarim tirkama, yuk mashinalari, mikroavtobuslar va yo‘ltanlamaslar (jami soni - 324 ta) bo‘lishi mumkin bo‘lgan noma’lum turdagi sakkizta transport vositasi, 25 536 40 mm o‘q-dorilar, sanitariya-texnik vositalari ham berilishi ko‘zda tutilgan.

Avvalroq, 21 dekabr kuni Germaniya Mudofaa vazirligi ma’lumotlariga ko‘ra, birgina 2023 yilda Kiyev Berlindan 4,34 milliard yevrolik qurol-yarog‘ olgani, bundan tashqari, Germaniyada 10 ming ukrainalik harbiy tayyorgarlikdan o‘tgani ma’lum qilingandi.

2022 yilda Rossiyaning Ukrainadagi urushi boshlanganidan beri Germaniya 5,97 milliard yevro miqdorida harbiy yordam ko‘rsatdi.