Garet Beyl professional golfda debyut qildi
Sport
−
03 fevral 2023 3863
“Real” sobiq futbolchisi, uelslik Garet Beyl professional golfda o‘z debyutini o‘tkazdi. Bu haqda “Talksport” nashri xabar berdi.
Manbaga ko‘ra, Beyl “PGA Tour” turnirida ishtirok etgan. U musobaqada yaxshi natija ko‘rsatib, tomoshabinlar e’tirofiga sazovor bo‘lgan.
Beyl futbolchilik faoliyatining aksariyat qismini “Tottenxem” va “Real” klublarida o‘tkazgan.
Beyl faoliyati davomida “Real” bilan 5 marta Yevropa Chempionlar ligasi, 4 marta klublar o‘rtasidagi JCH, 3 marta La Liga, 2 marta Yevropa Superkubogi, bir marta Ispaniya superkubogi va Ispaniya kubogi bosh sovrinini qo‘lga kiritgan.
Eslatib o‘tamiz, futbolchi joriy yilning 9 yanvar kuni butsasini “mixga ilgandi”.
