Fransiyada sayyohlik samolyoti halokatga uchradi
Olam
−
21 may 2022 6353
Bugun, 21 may kuni Fransiya janubi-sharqida sayyohlik samolyoti aviahalokatga uchradi. Oqibatda taxminan 5 kishi halok bo‘ldi. Bu haqda BFMTV telekanali politsiyadagi manbalariga tayanib, xabar berdi.
Qayd etilishicha, voqea Izer departamenti (Overn-Rona-Alp tog‘lari mintaqasi)da sodir bo‘lgan. Hozircha voqea tafsilotlari keltirilmagan.
Politsiya ma’lumotlariga ko‘ra, samolyot Parij vaqti bilan 16:30 atrofida Lez-Adre kommunasiga qulagan. U mahalliy uchish klubiga tegishli bo‘lib, bugun birinchi parvozini amalga oshirgan.
Voqea joyida o‘t o‘chiruvchilar va politsiya xodimlari ishlamoqda.
Live
Barchasi