Fransiya kichik hisobdagi g‘alaba bilan 1/4 finalga chiqdi

Bugun, 5 iyul kuni Fransiya milliy terma jamoasi 2026 yilgi Jahon chempionati 1/8 final bosqichida Paragvayni 1:0 hisobida mag‘lub etib, chorak finalga yo‘l oldi.

AQSHning Pensilvaniya shtati, Filadelfiya shahrida bo‘lib o‘tgan uchrashuvda o‘zbekistonlik hakam Ilgiz Tantashev boshchiligidagi hakamlar brigadasi boshqarib bordi. O‘yindagi yagona golga 70-daqiqada Kilian Mbappe penaltidan mualliflik qildi.

Endilikda Fransiya milliy terma jamoasi chorak finalda Marokashga qarshi maydonga tushadi. Ushbu bahs joriy yilning 9 iyul kuni bo‘lib o‘tadi.

Ma’lumot uchun, Fransiya ketma-ket to‘rtinchi bor Jahon chempionati chorak finaliga chiqdi. “Uchranglilar” so‘nggi marta 2010 yilgi mundialda guruh bosqichidan o‘ta olmagan edi.

Paragvay esa 2010 yildan buyon ilk bor Jahon chempionati pley-off bosqichiga chiqishga muvaffaq bo‘ldi. O‘shanda janubiy amerikaliklar chorak finalgacha yetib borgan bo‘lib, bu hozirgacha milliy terma jamoaning mundiallar tarixidagi eng yaxshi natijasi hisoblanadi.