“Forbes” Amerikaning eng serdaromad basketbolchilari reytingini e’lon qildi

AQSHning professional basketbol klubi “Leykers” safida harakat qiluvchi Lebron Jeyms “Forbes” talqiniga ko‘ra, NBA (Milliy basketbol assotsiatsiyasi) ning eng ko‘p maosh oluvchi basketbolchilar reytingida 1-o‘rinni egalladi. 

Lebron shu tariqa qatorasiga 7 yildan beri ushbu reytingda karvonboshilik qilib kelyapti.

Ma’lum bo‘lishicha, NBA’ning to‘rt karra chempioni bo‘lgan Lebron 2020/2021 yilgi mavsumda 95,4 million dollar miqdorida daromad qilgan. Bu – sportchining faoliyatidagi rekord summa.

Ushbu summaning 31,4 millioni klubdagi maoshi bo‘lsa, qolgan 64 milliondan oshig‘i reklama va boshqa turdagi loyihalardan kelgan.

NBA’ning 2020/2021 yilgi mavsumda eng yuqori maosh oluvchi basketbolchilar ro‘yxati quyidagi ko‘rinishda:

1. Lebron Djeyms (“Leykers”) – 95,4 million dollar;

2. Stiven Karri (“Golden Steyt”) – 74,4;

3. Kevin Durent (“Bruklin”) – 65,2;

4. Rassel Uestbruk (“Vashington”) – 58,1;

5. Djeyms Xarden (“Bruklin”) – 50;

6. Yannis Adetokumbo (“Miluoki”) – 49;

7. Kley Tompson (“Golden Steyt”) – 43,3;

8. Keyri Irving (“Bruklin”) – 43”

9. Kris Pol (“Feniks”) – 40,1”

10. Demian Lillard (“Portlend”) – 39.