Fevralning birinchi haftasida qanday ob-havo kutilyapti?

Bu qiziq

image

Qishning oxirgi oyi boshi uchun harorat me’yoriy qiymatlardan 2-4 darajaga yuqori bo‘lgan juda iliq va kam bulutli bahoriy ob-havo bo‘ladi. 5 fevralda kunduz kuni termometr ko‘rsatkichi +14...+17 darajaga yetadi. Bu haqda Gidrometeorologiya xizmati markazi xabar berdi.

Bugun, 1 fevral kuni respublikaning ko‘pchilik viloyatlarida me’yorga yaqin bo‘lgan quruq va iliq ob-havo kuzatiladi. Faqat kunning birinchi yarmida Toshkent, Jizzax, Sirdaryo viloyatlarida yomg‘ir yog‘ishi ehtimoli saqlanib turadi. Havo harorati oxirgi kunga nisbatan pasayadi va 8-13 daraja iliqni tashkil etadi.

Ertaga Turkmaniston orqali Kaspiy dengizidan nam havo massalari kirib kelishi hisobiga Buxoro, Navoiy, Samarqand viloyatlarida kechasi va ertalab biroz yomg‘ir yog‘ishi mumkin, Qashqadaryo, Surxondaryo viloyatlarida ba’zi joylarda yomg‘ir yog‘adi. Havo harorati kechasi 0-5 daraja iliq, kunduzi 10-15 daraja iliq atrofida bo‘ladi.

Ish haftasining oxirigacha yog‘ingarchilik kutilmaydi. Kechalari harorat 0-5 daraja iliq, kunduz kunlari 10-15 daraja iliq atrofida bo‘ladi, juma kuni 14-17 daraja iliqqacha ko‘tariladi.

Hafta davomida respublikaning tog‘li hududlarida qor ko‘chish xavfi saqlanib turadi.


Maqola muallifi

Teglar

ob-havo

Baholaganlar

454

Reyting

2.9

Maqolaga baho bering

Doʻstlaringiz bilan ulashing