Farg‘onadan So‘xga muntazam parvozlar yo‘lga qo‘yildi
Jamiyat
−
12 dekabr 2021 6452
Farg‘ona — So‘x — Farg‘ona yo‘nalishida bugun, 12 dekabrdan boshlab muntazam parvozlar yo‘lga qo‘yildi. Bu haqda Transport vazirligi axborot xizmati xabar bergan.
Ta’kidlanishicha, parvozlar haftaning dushanba va juma kunlari Farg‘ona — So‘x yo‘nalishida soat 10:00 da va So‘x — Farg‘ona yo‘nalishida soat 12:00 da bajarilishi rejalashtirilgan.
Qayd etilishicha, aviaqatnovlar AN-2 samolyotlarida amalga oshiriladi, parvoz davomiyligi 30 daqiqani tashkil etadi.
Xabarda yo‘lovchilar aviachiptalarni Farg‘ona, Andijon va Namangan aeroportlari hamda So‘x tumani hokimiyati binolarida xarid qilish imkoniyatiga ega ekani aytilgan.
Live
Barchasi
