Farg‘onada “Jiguli”ga o‘rnatilgan gaz balloni portlab ketdi

Jamiyat

−

23 may 2021 visibility8282

Farg‘ona viloyati Quva tumanida “Jiguli”ga o‘rnatilgan gaz balloni portlab ketdi. Bu haqda O‘zbekiston Ichki ishlar vazirligi YHXBB xabar bermoqda.

Ma’lum qilinishicha, kecha, 22 may kuni soat 19:20 larda Farg‘ona viloyati Quva tumani “Paxtakor” MFYda joylashgan “Shaffof” nomli avtotransport vositalariga gaz quyish shoxobchasida 1986 yilda tug‘ilgan haydovchi T.A. boshqaruvidagi “VAZ-2101” rusumli avtomobilga o‘rnatilgan gaz ballon gaz to‘ldirilayotgan vaqtida portlab ketgan.

Oqibatda uning yaqinida turgan fuqarolar — 32 yoshli T.F. hamda 58 yoshli A.X.lar tan jarohati bilan shifoxonaga olib ketilgan.

Mazkur hodisa yuzasidan tuman IIB YHXB va FVB tomonidan surishtiruv harakatlari olib borilmoqda.

Maqola muallifi