Farg‘ona vodiysi viloyatlarida “gaz zapravka”lar vaqtincha ishlamaydi
Jamiyat
−
18 mart 2022 5844
Bugun, 18 mart kuni soat 18:00 da Farg‘ona vodiysi viloyatlaridagi barcha gaz to‘ldirish kompressor stansiyalari faoliyati cheklanadi. Bu haqda "O‘ztransgaz" AJ ma’lum qildi.
Qayd etilishicha, respublika bo‘ylab kuzatilayotgan sovuq va nam ob-havo sharoitida aholi, iste’molchilar va ijtimoiy soha ob’ektlari, strategik ahamiyatga ega bo‘lgan korxonalarni uzluksiz va barqaror tabiiy gaz bilan ta’minlash birlamchi vazifa sanaladi.
“Shundan kelib chiqqan holda, respublikamizdagi tabiiy gaz iste’molchilarining salmoqli qismini tashkil etuvchi Farg‘ona vodiysidagi aholi xonadonlari, ijtimoiy soha va strategik ahamiyatga ega ob’ektlarni tabiiy gaz bilan barqaror ta’minlash maqsadida vodiy viloyatlaridagi avtomobillarga gaz to‘ldirish kompressor stansiyalari 18 mart soat 18:00 dan 19 mart soat 06:00 gacha faoliyatini to‘xtatadi”, deyiladi xabarda.
Live
Barchasi