Estoniya diplomatlarni quvib, Rossiya bilan muloqotni eng past darajaga tushiryapti

Estoniya Tashqi ishlar vazirligi bugun, 11 fevral kuni Rossiya elchisi 1 fevralgacha rossiyalik diplomatlar soni 8 nafarga qisqartirilishi zarurligi haqida xabardor qilinganini haqida ma’lum berdi. 

“Bugun Estoniya Rossiya Federatsiyasi elchisini qaror haqida xabardor qildi, unga ko‘ra Rossiya 2023 yil 1 fevralgacha o‘z xodimlari sonini qisqartirishi kerak. Qarorning maqsadi elchixona xodimlari soni bo‘yicha paritetga erishish, ya’ni mamlakatlar poytaxtlaridagi Rossiya va Estoniya vakolatxonalaridagi lavozimlar soni bir xil bo‘ladi”, deyiladi Estoniya Tashqi ishlar vazirligi bayonotida. 

Shu munosabat bilan agentlik Rossiya elchixonasi xodimlari sonini 8 ta “diplomatik lavozim” va 15 tagacha “ma’muriy, texnik va xizmat ko‘rsatish xodimlari posti”ga qisqartirish kerakligini ta’kidladi. 

Estoniya Tashqi ishlar vaziri Urmas Reynsaluning so‘zlariga ko‘ra, Ukrainadagi mojarodan kelib chiqqan holda, Rossiya elchixonasi “Estoniya-Rossiya munosabatlarini ilgari surmaydi”, shuning uchun elchixonaning hozirgi tarkibida ishlashi uchun “hech qanday asos” yo‘q. 

“Urush boshlanganidan beri [Ukrainada] Estoniya Rossiya Federatsiyasi bilan ikki tomonlama munosabatlarni mutlaq minimal darajaga tushirdi. Bahorda biz Narva va Tartudagi Rossiya konsulliklarini yopdik va Rossiya diplomatik bo‘limining uch xodimini chiqarib yubordik. Paritetga erishish uchun biz hozir Estoniyada ishlayotgan rossiyalik diplomatlar soniga cheklov belgilayapmiz. Bugun qo‘ygan qadamimiz, umuman, munosabatlarimizning past darajasiga mos keladi”, deya qo‘shimcha qildi vazir.