Эстония дипломатларни қувиб, Россия билан мулоқотни энг паст даражага туширяпти

Эстония Ташқи ишлар вазирлиги бугун, 11 февраль куни Россия элчиси 1 февралгача россиялик дипломатлар сони 8 нафарга қисқартирилиши зарурлиги ҳақида хабардор қилинганини ҳақида маълум берди. 

“Бугун Эстония Россия Федерацияси элчисини қарор ҳақида хабардор қилди, унга кўра Россия 2023 йил 1 февралгача ўз ходимлари сонини қисқартириши керак. Қарорнинг мақсади элчихона ходимлари сони бўйича паритетга эришиш, яъни мамлакатлар пойтахтларидаги Россия ва Эстония ваколатхоналаридаги лавозимлар сони бир хил бўлади”, дейилади Эстония Ташқи ишлар вазирлиги баёнотида. 

Шу муносабат билан агентлик Россия элчихонаси ходимлари сонини 8 та “дипломатик лавозим” ва 15 тагача “маъмурий, техник ва хизмат кўрсатиш ходимлари пости”га қисқартириш кераклигини таъкидлади. 

Эстония Ташқи ишлар вазири Урмас Рейнсалунинг сўзларига кўра, Украинадаги можародан келиб чиққан ҳолда, Россия элчихонаси “Эстония-Россия муносабатларини илгари сурмайди”, шунинг учун элчихонанинг ҳозирги таркибида ишлаши учун “ҳеч қандай асос” йўқ. 

“Уруш бошланганидан бери [Украинада] Эстония Россия Федерацияси билан икки томонлама муносабатларни мутлақ минимал даражага туширди. Баҳорда биз Нарва ва Тартудаги Россия консулликларини ёпдик ва Россия дипломатик бўлимининг уч ходимини чиқариб юбордик. Паритетга эришиш учун биз ҳозир Эстонияда ишлаётган россиялик дипломатлар сонига чеклов белгилаяпмиз. Бугун қўйган қадамимиз, умуман, муносабатларимизнинг паст даражасига мос келади”, дея қўшимча қилди вазир.