Ertaga U-17 Jahon chempionatiga qur’a tashlanadi
Sport
−
14 Sentabr 2023 2721
Joriy yilning 15 sentyabr kuni futbol bo‘yicha U-17 terma jamoalari o‘rtasida o‘tkaziladigan Jahon chempionatining guruh bosqichiga qur’a tashlanadi.
Jamoalar 4 ta savatchaga ajratilib, O‘zbekiston U-17 terma jamoasi 3-savatchadan o‘rin olgan. Shuningdek, 3-savatchada Yangi Zelandiya, Eron, Senegal, AQSH va Marokash termalari ham joylashgan. Bu degani O‘zbekiston aynan shu jamoalari bilan guruh bosqichida to‘qnash kelmaydi.
Qur’a tashlash marosim Toshkent vaqti bilan soat 19:00 da Syurix shahrida onlayn tarzda o‘tkaziladi.
Ma’lumot uchun, U-17 Jahon chempionati 10 noyabrdan 2 dekabrga qadar Indoneziyada o‘tkaziladi. O‘zbekiston jamoasi shu yili Tailandda o‘tkazilgan Osiyo chempionatida yarim finalga chiqib, kichik mundialga yo‘llanmani qo‘lga kiritgandi.
Live
Barchasi