Eron Rossiyaga yana ballistik raketa va dronlar yetkazib bermoqchi – OAV
Olam
−
17 Oktabr 2022 7558
Eron Rossiyaga qisqa masofaga uchuvchi ballistik raketalar va dronlarni yetkazib beradi. Bu haqda “The Washington Post” nashri xabar bermoqda.
Xabarda aytilishicha, Rossiyaga “Fateh-110” va “Zulfiqor” raketalari yetkazib berilishi rejalashtirilgan. Ushbu raketalarning uchish masofasi mos ravishda 300 va 700 kilometrni tashkil qiladi.
Shuningdek, Eron qo‘shimcha ravishda yana o‘nlab "Mohajer-6" dronlari va ko‘p sonli "Shahed-136" kamikadze dronlarini yetkazib berishni rejalashtirmoqda. Bu ikki turdagi dron ham allaqachon Rossiya harbiylari tomonidan Ukrainaga qarshi foydalanilmoqda.
Amerika urushni o‘rganish instituti 16 oktyabr kuni bergan xabariga ko‘ra , Ukraina va Rossiyaning Telegram kanallarida Eronning “Arash-2” uchuvchisiz qurilmalarining Rossiya Federatsiyasiga yetkazilishi mumkinligi aytilmoqda. Ular “Shahed”ga qaraganda tezroq va buzg‘unchiroq hisoblanadi.
Ammo, Eron Ukrainadagi urushda foydalanish uchun Rossiyaga qurol yetkazib berayotganini rasman rad etib kelyapti. Kreml ham bu haqidagi xabarlarni rad etdi.
Temur Jumayev
Live
Barchasi