Eron Rossiyadan koronavirusga qarshi kurashda yordam so‘radi

Olam 5277
image

Eron Islom Respublikasi yangi koronavirusga qarshi kurashda rasmiy Moskvadan yordam so‘radi. Bu haqda Eronning Rossiyadagi elchisi Kozim Jaloliy ma’lum qilmoqda.

Bu borada Eron va Rossiya rasmiylari suhbat uyushtirgani aytilmoqda. Rossiya tomoni rasmiy Tehronga "albatta, yordam berishini" aytgan.

"Ha, bu borada suhbat bo‘ldi", dedi elchi OAV savoliga javoban.

Jaloliyning qo‘shimcha qilishicha, Tehron "barcha mamlakatlar, shu jumladan, do‘stona kayfiyatdagi davlatlardan" insonparvarlik yordamini mamnuniyat bilan qabul qiladi. Shuningdek, Eronga Xitoy Xalq Respublikasi ham o‘z yordamini ayamasligini bildirib o‘tdi.

Eron koronavirus yuqtirganlar soni bo‘yicha Xitoy, Janubiy Koreya va Italiyadan keyin to‘rtinchi o‘rinda bormoqda. Mamlakatda hozirgacha 1501 ta kishida  koronavirus bilan bog‘liq holat qayd etildi Ulardan 66 kishi bu kasallik sabab vafot etdi.

Nurulloh Sharipov

.
Maqolaga baho bering
Baholaganlar: 199
Reyting: 2.9
Teglar
t
×