Eron raketalari Ozarbayjon aeroportiga zarba berdi – OAV (video)

Bugun, 5 mart kuni Eron raketasi Ozarbayjonning Naxichevon Muxtor Respublikasi hududidagi aeroportga qulab tushdi. Bu haqda “Azernews” nashri xabar berdi.  
 
Qayd etilishicha, hozircha Ozarbayjon Mudofaa vazirligi va boshqa rasmiy idoralardan bu xabarga rasmiy tasdiq berilmagan.

Ijtimoiy tarmoqlarda tarqalgan videolarda aeroport atrofida portlashlar aks etgan bo‘lib, foydalanuvchilar ushbu hudud Eron, AQSH va Isroil o‘rtasidagi taranglik fonida nishonga olinganini iddao qilmoqda.

Naxichevon Ozarbayjonning Eron, Turkiya va Armaniston bilan chegaradosh eksklavi bo‘lib, Janubiy Kavkazda strategik jihatdan muhim hudud hisoblanadi. Agar bu hodisa tasdiqlansa, mintaqaviy xavfsizlik va siyosiy vaziyatga sezilarli ta’sir ko‘rsatishi mumkin.

Ozarbayjon rasmiylari hozircha tarqatilgan videolar va aeroport yaqinidagi ta’sirga oid xabarlarga izoh bermagan. Vaziyatni baholash va ma’lumotlarni tasdiqlash ishlari davom etmoqda, qo‘shimcha tafsilotlar yaqin vaqt ichida e’lon qilinishi kutilmoqda.

Eslatib o‘tamiz, avvalroq Yaqin Sharqdagi mojaro boshlanganidan buyon ilk bor Turkiya osmonida Erondan uchirilgan deb taxmin qilingan ballistik raketa yo‘q qilingandi.