Endi sanitariya-epidemiologiya xulosasini olish yanada qiyinlashadi
Jamiyat
−
05 noyabr 2019
4672O‘zbekiston Respublikasining “Oziq-ovqat mahsulotining sifati va xavfsizligi to‘g‘risida” va “Aholining sanitariya-epidemiologik osoyishtaligi to‘g‘risida”gi qonunlari, shuningdek, O‘zbekiston Respublikasi Prezidentining “Texnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish chora-tadbirlari to‘g‘risida” qaroriga muvofiq Vazirlar Mahkamasining qaror loyihasi e’lon qilindi.
Nizomga kiritilayotgan o‘zgartirish va qo‘shimchalarga ko‘rab quyidagilar sanitariya-epidemiologiya xulosasini berishni rad etish uchun asos hisoblanadi:
sanitariya-epidemiologik xulosa rasmiylashtirib berish vaqtida oziq-ovqat mahsulotining yaroqlilik muddati 80 foizdan kam bo‘lganida (ishlab chiqaruvchi tomonidan belgilangan umumiy yaroqlilik muddatiga nisbatan foizda);
xalqaro akkreditatsiyadan o‘tgan laboratoriyalar tomonidan o‘tkazilgan oziq-ovqat mahsulotlari uchun tahlil bayonlari bo‘lmasa;
yuqumli kasalliklarni keltirib chiqaruvchi mikroorganizmlar bilan zararlanganligi aniqlanganda;
radioaktiv ko‘rsatkichlarning me’yorlardan yuqoriligi aniqlanganda;
mahsulot tarkibida geni modifikatsiyalangan organizmlar belgilangan me’yorlar darajasidan yuqori bo‘lganda;
parazitlar yoki ularning tuxumlari aniqlanganda;
laboratoriya sinovlarining salbiy natijalari;
hujjatlar to‘liq taqdim etilmagan taqdirda.
Sanitariya-epidemiologiya xulosasini berishni rad etish bo‘yicha qaror qabul qilingan taqdirda, O‘zbekiston Respublikasi Sog‘liqni saqlash vazirligi huzuridagi Sanitariya-epidemiologik osoyishtalik agentligining xududiy yoki tuman (shahar) markazlari tomonidan uning aniq sabablari va qonunchilikda belgilangan normalarini ko‘rsatgan holda ariza beruvchiga yozma shaklda ma’lum qilinadi.
LiveBarchasi
07 noyabr 2023
07 noyabr 2023
07 noyabr 2023