“Dodamni qaytarib beringlar”. Venesuelada AQSHga qarshi ommaviy namoyish boshlandi (video)

 AQSH kuchlari Venesuela rahbari Nikolas Maduroni hibsga olgandan so‘ng, Karakasda taxminan 2 ming nafar fuqaro namoyish o‘tkazib, o‘z Prezidentining ozod etilishini talab qildi. Bu haqda “The Sunday Guardian” nashri xabar berdi. 

Xabarda aytilishicha, Maduroning taxminan 2 ming nafar tarafdori Karakas ko‘chalariga chiqib, AQSH kuchlari tomonidan Prezident va uning rafiqasi hibsga olinganidan so‘ng, ularning ozod qilinishini talab qilgan. Namoyish dastlabki harbiy operatsiyadan keyingi kun bo‘lib o‘tgan. Unda amerikaliklar Maduroni hokimiyatdan olib tashlagan, bu esa Venesuelada siyosiy noaniqlik va tartibsizliklarni yuzaga keltirgan.  

Qayd etilishicha, namoyishga pro-Maduro paramilitar guruhlar va mototsiklchilar ham qo‘shilgan, ular Venesuela bayrog‘ini ko‘tarib, Prezident bilan birdamligini ko‘rsatmoqchi bo‘lgan. Ko‘pchilik shiorlar kuylab, plakatlarda Maduroning ozod qilinishini talab qilgan. 

Namoyishchilar “Prezidentimizni ozod qiling” va “Venesuela hech kimning koloniyasi emas” yozuvli plakatlarni ko‘targan holda ko‘chaga chiqqan. Ushbu shiorlar aholining AQSH hujumi va Venesuela ishlariga xorijning aralashuviga nisbatan noroziligini aks ettirdi. 

Eslatib o‘tamiz, avvalroq Venesuela rasmiylari qo‘lga olingan Prezident Nikolas Maduro va uning rafiqasini ozod etish bo‘yicha maxsus komissiya tuzgan edi.